№ 10
Hansı şəkildə ötmə əməliyyatı göstərilib?
Ötmə - hərəkət etdiyi zolağı dəyişməklə hərəkətdə olan bir və ya bir neçə nəqliyyat vasitəsini ötüb keçməkdir (m.1.39). Şəkillərdən göründüyü kimi, hər iki avtomobil sol zolağa yerdəyişmə edərək qarşıda hərəkət edən digər avtomobili keçib gedir. Düzgün cavab - Hər ikisində.
№ 98
Ötməyə icazə verilirmi?
"Ötmək qadağandır" nişanı bütün NV-nə ötməyi qadağan edir (qarşıda hərəkət edən NV-nin sürətindən asılı olmayaraq). Deməli, avtobus saatda 30 km-dən az sürətlə hərəkət edirsə belə, onu ötmək olmaz.
№ 99
Relssiz nəqliyyat vasitələrini sağ tərəfdən ötməyə icazə verilirmi?
Relssiz nəqliyyat vasitəsini yalnız sol tərəfdən ötməyə icazə verilir. Lakin sürücüsü sola dönmə siqnalı verən və manevrə başlayan nəqliyyat vasitəsini sağ tərəfdən ötmək lazımdır (m.51.2).
№ 100
İcazə verilən maksimum kütləsi 3,5 t-dan artıq olmayan yük avtomobilini idarə etdiyiniz halda traktoru ötə bilərsinizmi?
"Yük avtomobillərinin ötməsi qadağandır" nişanı icazə verilən maksimum kütləsi 3,5 t-dan artıq olan yük avtomobilinə ötməni qadağan edir. Siz icazə verilən maksimum kütləsi 3,5 t-dan artıq olmayan yük avtomobilini idarə etdiyiniz halda traktoru ötə bilərsiniz.
№ 101
Ötülən nəqliyyat vasitələrinin sürücülərindən nə tələb olunur?
Ötülən NV-nin sürücüsünə hərəkət sürətini artırmaqla və ya başqa hərəkətlərlə ötən NV-nin sürücüsünə maneçilik törətmək qadağandır (m.51.4).
№ 102
Siz ötməni başa çatdırdıqdan sonra sol zolaqda hərəkəti davam etdirə bilərsinizmi?
Ötmənin sonunda sürücü əvvəl tutduğu hərəkət zolağına qayıtmalıdır (m.51.3). Yaşayış məntəqələrindən kənarda hərəkət istiqamətində sağ zolaq boş olduğu halda sol zolaqlarla hərəkət etmək qadağandır (m.49.1).
№ 103
İcazə verilən maksimum kütləsi 3,5 t-dan artıq olan yük avtomobilini idarə etdiyiniz halda traktoru ötə bilərsinizmi?
"Yük avtomobillərinin ötməsi qadağandır" nişanı icazə verilən maksimum kütləsi 3,5 t-dan artıq olan yük avtomobilinə ötməni qadağan edir (qarşıda hərəkət edən NV-nin sürətindən asılı olmayaraq). Deməli, traktor saatda 30 km-dən az sürətlə hərəkət edirsə belə, onu ötmək olmaz.
№ 104
Sizə bu halda icazə verilir:
Sola dönmə siqnalı verən və manevrə başlayan NV-ni sağ tərəfdən ötmək lazımdır (m.51.2). Amma bu şəraitdə yük avtomobili hərəkət zolağını boşaltdıqdan sonra siz hərəkəti davam etdirə bilərsiniz, çünki yolun hərəkət hissəsindən sağda yerləşən yol çiynində hərəkət etmək qadağandır (m.1.7).
№ 105
Bu şəraitdə yük avtomobilini ötməyə başlaya bilərsinizmi?
"Ötməyin qadağan edildiyi zonanın qurtaracağı" nişanını keçməyinizə baxmayaraq siz ötə bilməzsiniz, çünki qabaqda gedən yük avtomobilinin sürücüsü sola dönmə siqnalını sizdən öncə vermişdir (m.51.1.2).
№ 106
Minik avtomobilinin sürücüsü bu şəraitdə ötə bilərmi?
Bu şəraitdə minik avtomobilinin sürücüsü ötməyə başlaya bilməz, çünki onun arxasınca gələn yük avtomobili artıq ötməyə başlamışdır (m.51.1.2).
№ 107
Siz hansı hallarda qarşı hərəkət zolağına çıxmaqla ötməyə başlamalısınız?
Ötməyə başlamazdan əvvəl sürücü əmin olmalıdır ki: 1) girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan gələn və bu zolaqda gedən nəqliyyat vasitələri üçün maneə yaratmayacaq; 2) eyni zolaqda arxasınca gələn nəqliyyat vasitəsi onu ötməyə başlamayıb, özündən qabaqda gedən nəqliyyat vasitəsi isə ötmə, sola dönmə, yerdəyişmə barədə siqnal vermir; 3) qarşıdan gələn və bu zolaqda gedən nəqliyyat vasitələri üçün təhlükə və ya maneə yaratmadan çıxmaq istədiyi hərəkət zolağı kifayət edən məsafədə boşdur və iki nəqliyyat vasitəsinin nisbi sürəti ötməni kifayət qədər qısa müddətdə başa çatdırmağa imkan verəcəkdir (m.51.1).
№ 476
Minik avtomobilinin sürücüsünə bu vəziyyətdə ötməyə icazə verilirmi?
Nizamlanmayan yolayrıclarında baş yol olmayan yolla hərəkət etdikdə ötmək qadağandır (m.51.5). Bu şəraitdə siz baş yolla hərəkət etdiyinizdən ("Baş yol" nişanı bu barədə məlumat verir) ötməyə icazə verilir.
№ 477
Sizə bu vəziyyətdə ötməyə icazə verilirmi?
Sürücü eyni əhəmiyyətli olan yolların kəsişdiyi nizamlanmayan yolayrıcına yaxınlaşır. Nizamlanmayan yolayrıclarında baş yol olmayan yolla hərəkət etdikdə ötmə qadağandır (m.51.5.1). Deməli, belə manevr etməyə icazə verilmir.
№ 478
"İkinci dərəcəli yolla kəsişmə" nişanı göstərir ki, qarşıda nizamlanmayan yolayrıcı vardır və siz bu yolayrıcına baş yolla yaxınlaşırsınız. Nizamlanmayan yolayrıclarında baş yol olmayan yolla hərəkət etdikdə ötmə qadağandır (m.51.5.1). Deməli, sizə bu vəziyyətdə ötməyə icazə verilir.
№ 479
Minik avtomobilinin sürücüsü ötməni hansı trayektoriya üzrə yerinə yetirə bilər?
Nizamlanmayan yolayrıclarında baş yol olmayan yolla hərəkət etdikdə ötmə qadağandır (m.51.5.1). Minik avtomobilinin sürücüsü qarşıdakı ("İkinci dərəcəli yolla kəsişmə") nizamlanmayan yolayrıcına baş yolla yaxınlaşdığından və bu yolun eyni istiqamətdə iki hərəkət zolağı olduğundan, o, hər iki yük avtomobilini ötə bilər (m.51.3). Deməli, A və B trayektoriyalarının hər biri ilə ötmək olar.
№ 480
Minik avtomobilinin sürücüsü hansı trayektoriya ilə ötməni yerinə yetirə bilər?
Sürücü eyni əhəmiyyətli yolların kəsişdiyi nizamlanmayan yolayrıcına yaxınlaşır. Nizamlanmayan yolayrıclarında baş yol olmayan yolla hərəkət etdikdə ötmə qadağandır (m.51.5.1). Deməli, ötməni ancaq A trayektoriyası ilə yerinə yetirməyə icazə verilir.
№ 481
"Eyni əhəmiyyətli yolların kəsişməsi" nişanı xəbərdar edir ki, siz eyni əhəmiyyətli yolların kəsişməsinə yaxınlaşırsınız. Nizamlanmayan yolayrıclarında baş yol olmayan yolla hərəkət etdikdə ötmə qadağandır (m.51.5.1). Bu şəraitdə at arabasını ancaq o halda ötməyə başlamaq olar ki, ötmə yolayrıcına kimi başa çatsın.
№ 482
Motosikleti ötməyə icazə verilirmi?
Motosikletçi və siz eyni əhəmiyyətli olan yolların kəsişdiyi nizamlanmayan yolayrıcına yaxınlaşırsınız, belə ki, baş yol yolayrıcının qarşısında bitir ("Baş yolun sonu"). Belə yolayrıclarında yanqoşqusu olmayan ikitəkərli NV-ni ötməyə icazə verildiyindən (m.51.5.1) və kəsişən yolun sağ tərəfində heç bir maneə olmadığından, motosikleti ötməyə icazə verilir.
№ 483
Motosikletçi və siz eyni əhəmiyyətli olan yolların kəsişdiyi nizamlanmayan yolayrıcına yaxınlaşırsınız. Belə yolayrıclarında yanqoşqusu olmayan ikitəkərli NV-ni ötməyə icazə verilir (m.51.5.1), lakin kəsişən yolun sağ tərəfindən minik avtomobili yaxınlaşdığından, siz ona yol verməlisiniz. Bu səbəbdən də motosikleti ötməyə icazə verilmir.
№ 484
Nizamlanan yolayrıclarında ötməyə icazə verilirmi?
Nizamlanan yolayrıclarında ancaq əks-istiqamətli hərəkət zolağına keçməmək şərti ilə ötməyə icazə verilir (m.51.5).
“Kukiləri qəbul edin” düyməsini klikləməklə istifadə etdiyiniz cihazda kukilərin saxlanması ilə razılaşırsınız.